قل ما تشاءُ , كما تشاءُ , متى تشاءُ , لمن تشاءْ

الخميس، 5 فبراير 2009

الأحزان الشيطانية


ليس للحزن الذي يفتقد إلى الأسباب وجود , و القائل به محض متوهم أو هارب من بشاعة المواجهة . مفهوم الزرع الشيطاني في الموروث الشعبي مفهوم مضلل , حتى النبتة الشيطانية كانت بذرة ضلت بها الريح عن قبيلتها , و تولتها الطبيعة برعايتها المتفضلة , فخرجت للحياة موصومة باليتم القبَلي .
لحزني بذرة معلومة , أعرفها جيداً , و أدرك احتيالي لإقصائها عن ظني , و أكتفي بقولي لغادة : إني حزين

هناك 9 تعليقات:

ست الحسن يقول...

شوف يا محمد
بما إن اسمي مكتوب فأول تعليق لازم يكون لية إجباري


.....
وبعدين
النص ده ناقص ...أو لسة متكتبش
اكتب بحرية أكتر
البوست ده مقدمة

فين الموضوع يا محمد

محمد سلامة يقول...

غادة
غريبة أوي يا غادة إن يكون ده رأيك
المعنى في نظري اكتمل , و اكتر من كده هبقى بهبل أو هيكون مجرد تداعي سخيف
لكن برضه هحترم وجهة نظرك و افكر فيها
أمال , لو محترمناش وجهة نظر غادة هنحترم وجهة نظر مين ؟

nudy يقول...

محمد
النص موحي جدا فعلا احنا كتير بنهرب من اسباب الحزن لاننا مش عاوزين نفكر في الحاجات بجد او مأجلين التفكير لاجل غير مسمي بس جميل ان الواحد يعرف سبب حزنه والاجمل انه يلاقي صديق يساعده ويخفف عنه

محمد سلامة يقول...

nudy
أزيك يا فندم
الشيء الجميل مش اننا نعرف بس سبب الحزن لإننا كلنا عارفين كويس أسباب حزننا
الجميل فعلاً هو إني أكون قادر على المواجهة , قادر اقول لنفسي أنت حزين لإنك لسه...
متشكر يا فندم على تعليقك

من اجل عينيك يقول...

رائع رائع رائع
اختزال المعاني الكبيرة في حروف قليلة افضل طبعا .. الموهبة الحقيقية انك توصل معنى كبير في كلمات قليل


فكرتك رائعة
وانا حسيتها جدا
والربط بين الحزن الغير مبرر بالنبات الشيطاني رائع رائع

بحب اوي الناس اللي بتبهرني

محمد سلامة يقول...

ألأميرة فاطمة
و النبي قولي لغادة عشان مش مصدقه
أنا سعيد جداً إن البوست عجبك , و لإنك فعلاً موهوبة , فإثارة إعجابك شرف كبير لينا يا فندم
منتهى تحياتي و تقديري

ست الحسن يقول...

فين البوست الجديد
بقالك كتير مكتبتش حاجة جديدة

وبعدين مبتفتحش الميل ليه يا محمد

محمد سلامة يقول...

غادة
يا فندم انتي تأمري
النهاردة أو بكرة أو بعده أو الشهر الجاي
بصي
في يوم من الأيام إن شاء الله هتلاقي بوست جديد
و ادينا فتحنا الميل
أي خدعة

إيمان عبد النبى يقول...

ايه باعم ده دا انت قديم هنا
وانا معرفش بس جميله فعلا
مش تقول طيب
علشان اقرالك
عموما ياريت تدخل المدونة بتاعتي
وتقولي رايك اوك
سلام .